Presentación de Parola de diaplerona iste sabado 23 a las 12:30.

Veniz-tos-ne t’a presentación de Parola de diaplerona, lo mío tercer libro en aragonés, a on que reprengo l’universo de Parola de follet pa recontar las aventuras de Odri y Lector, una diaplerona y un follet. Luita con els por lo futuro d’a escuela de Baixo-la-Uerva y acompanya-los en lo suyo viache pa descifrar un mensache amagau en una boira que podría cambiar lo mundo d’os follez. 

La presentación se fará en lo marco d’a Feria d’o Libro Aragonés de l’Almozara que organiza l’Asociación Cultural Rebellar en lo Parque de l’Alchafaría. Bi habrá actividaz y presentacions tot lo día y tamién seremos presents con una paradeta de @nogara_religada a on que podrez mercar a-saber-los libros y pretar-tos un buen capazo en aragonés.

¡No i faltez!